Registers van de Hollandse grafelijkheid 1299-1345

Graaf Willem III scheldt een aantal met name genoemde kinderen, schoonkinderen en kleinkinderen van Bruninc vrij van de door hen verschuldigde keurmede, voor een bedrag van 103 pond Hollands; de regeling kwam tot stand door tussenkomst van enkele met name genoemde (leden van de Raad).

Vgl. nr. AW 51.

Wi Willaem^a grave van Heynnegouwen^b etc. maken cond etc. dat wi bi heren Janne van Polanen, Willaem^c van Outshoirne^d, Enghebrecht^e van Voerscoten^f, Willaem^g den Cusere^h ende Gherardⁱ Alewijns f.^j hebben laten verdinghen Teeten Alaert^k Bruninx f. weduwe ende Jan, Ave ende Grietekijn^l hoir kinder, Aernelis Bruninx f. ende Zuanelt^m, Jan, Bronis ende Grietekijn sijn kinder, Andries Bruninx f. ende stomme Diericⁿ, Ave ende Diedewi sijn kinder, Barent^o Bruninx f. ende Diederic^p, Ave, Aelbaren^q ende Alart^r sine kinder, Griete Bruninx dochter ende Hanne Witte die smit hoir man ende Jan, Ave, Jacob, Alaert^s ende Grietekijn^t hoir kinder, van sulker coermede als si ons sculdich waren omme hondert ende drie pond Hollands^u, daer si Willaem^v van Outshoirne^w ghenoch of ghedaen hebben; ende scelden hem ende horen nacomelinghen van der coermede voerscreven vri ende quite.

In oerkende^x etc. Ghegheven des manendaghes na sente Jans dach midzomer int jaer ons Heren M CCC^o ende dortich.