Registers van de Hollandse grafelijkheid 1299-1345

Graaf Willem III beleent Hendrik van der A met de 3 akkers land aan de Loosdrecht die Willem van der Molen hem daartoe had opgedragen.

Vgl. nr. AW 62.

Wi Willaem^a grave van Heynnegouwen^b etc. maken cond allen luden dat quam voer ons Willaem^c van der Molen ende droch^d ons op drie acker lands die hi van ons helt in rechten lene, ende gheleghen zien op die Loesdrecht^e in Amelijs gherechte van Minden, wilc land beleghen heeft an die zuytzide Pieter Cloetinc, an die noirtzide Willaem^f van der Molen, ant oestende Broecleder veen, ant westende die Drecht, wilc land ons toe behoirt van den goede van Aemstel; wilke drie acker lands voirs. wi verliet hebben ende verlien Heynric^g van der A van ons in rechten lene te houden.

In orkonde etc. Ghegheven in den Haghe des woensdaghes na sente Margrieten dach int jaer ons Heren M° CCC° XXXI°.