B
Graaf Willem III beleent Dirk Cosijn van Isselt met diens huis, hofstede en land te Isselt, en met land te Lange made en Voswijk en te Benschop.
Dieric Coesijn van Hisselta.
In de marge een kruis, alsmede twee cursief verbonden verticale halen.
De 'Amersfoorter beek' moet wel de Eem zijn. Vgl. nrs. AW 35, 96 en 98.
Wi Willaemb gravec etc. maken cond etc. dat Dieric Cosind van Hisselt van ons ontfaen heeft sijn huys ende sine hofstedee te Hysseltf ende al dat land dat hi legghende heeft tuschen Lisen voirde ende Alrehurst an der lenghe ende tuschen Ammersvoirder beke ende Verne hese an der breede; voirt twailf dach maet lands in die Langhe made, ende drie dach maet lands legghende in die Voswijc in Cosins gherechte voirscreven omtrent sine woninghe te Hisselt, tuschen der Ouder beke ende der Nuwerg beke; voirt achtien morghen lands in Benscoep legghende op die noirtside van den dorpe, ende heeft beleghen Bernierh Zwanildeni sone mit sinen lande beide boven ende beneden, ende dit land strect mit eenen ende an die wateringhe van Benscoep, mit den anderen ende ant Bloclandj dat des Roevers gherechte is van Montfoirde. Ende al dit goit voirscreven hebben wi hem verlyet van ons te houden ten rechten liene.
In orkonde etc. Ghegheven in die Haghe des woensdaghes voir meye anno Domini M° CCC° XXXIII°.