Keizer Lodewijk IV doet afstand van alle rechten die hij of zijn voorgangers op het graafschap Holland (en Zeeland) en de heerlijkheid Friesland hadden, uitgezonderd de daarvoor verschuldigde manschap.
Littera per quam imperator Ludovicus quitat et remittit omne ius quod ipse et sui predecessores clamaverunt seu reclamare potuerunt in comitatibus Hollandiea, Zeellandieb et dominatu Frisie.
Ludovicus quartus, Dei gracia Romanorum imperator semper augustus, universis et singulis presentes litteras inspecturis graciam suam et omne bonum. Ad universorum noticiam cupimus pervenire quod nos propter grata et obsequiosa servicia que spectabilis Guilhelmus comes Hannoniec et Hollandied et sui predecessores nostris antecessoribus regibus et imperatoribus Romanorum et imperio exhibuerunt et adhuc nobis et imperio exhiberi speramus in futurum, omne ius quod iidem nostri predecessores in comitatibus Hollandiee f et dominatu Frisie reclamaverunt seu reclamare potuerunt aut nos reclamare possemus, libere et absolute de consensu et assensu nostrorum principum quitamus ac eidem eiusque heredibus et successoribus presentibus duximus remittendum, salvo tamen nobis et imperio homagio debito pro eisdem. Si autem processus aliqui per nostros predecessores facti extiterint contra eundem comitem aut suos predecessores pro iure predicto, ex certa scientia presentibus irritamus.
In cuius rei testimonium presentes conscribi et bulla nostra aurea signoque consueto iussimus communiri. Datum Spire quartadecima die mensis junii anno Domini M CCC tricesimo, regni nostri anno XVIo, imperii vero tercio.