C
Graaf Willem III gebiedt de goede lieden van Wieringen dat zij hun processen betreffende wereldlijke schulden slechts voor de schout aldaar moeten voeren.
Noch den selven.
Vanden selven.
De onderstaande tekst is gebaseerd op afschrift B.
Wi Willaema graveb van Heynnegouwenc etc. maken cond etc.d: want wi verstaen hebben dat onse goede lude van Wieringherland zuaer verladen sien mitter daghinghe van waerliker scout, des wi niet ghedoghen en willen, zo ombieden wi onsen goeden luden van Wieringherland voirs. ende willen dat si nerghent recht versoeken sullen van waerliker scout dan voir horen daghelixen rechter van Wieringherland. Ende wair yemand van onsen goeden luden van Wieringher land e die den anderen daghen dede hier boven, die verboirde jeghens ons tien pond Hollandsf; nochtan soude hi sijn recht versoeken voir onsen scoute van Wieringherland.
Ende omme dat wi dit vaste ende ghestade willen houden ende ghebieden te houden onsen goeden luden van Wieringherland voirseyd, zo hebben wi desen brief etc. Ghegheven in die Haghe op den meye avond int jaer ons Heren M CCC twee ende twintich.