Registers van de Hollandse grafelijkheid 1299-1345

Graaf Willem III sluit een bestand met het gemene land van Friesland dat tot 1 november zal duren, tijdens welke periode verder overleg in Haarlem is afgesproken; gedurende het bestand zullen de gearresteerde personen en goederen onder beide partijen blijven met uitzondering van de (Hollandse) goederen van een Dordtse burger en de (Friese) goederen die op Texel waren geconfisqueerd.

Nos Willelmus^a comes Haynonie, Hollandie, Zelandie ac dominus Frisie^b universis presentibus protestamur quod de talibus gwerris sive discordiis existentibus inter nos ex una parte et communem terram de Oistvrisia^c ex altera ipsis et eorum adiutoribus dedimus firmas et securas treugas, que intrabunt dominica post translationem beati Martini^d proximo nunc futura^e, duraturas usque ad festum Omnium sanctorum^f, tota die continuata; et infra terminum istarum treugarum cum eisdem acceptavimus^g unum diem observandum in festo Bavonis proximo^h in opido nostro apud Haerlem, ad quem diem veniendiⁱ secure et rediundi ipsis usque ad sexaginta personas, quas secum adducere velint sive^j de Stauria vel aliunde, firmum conductum concedimus per presentes. Iste vero treuge sunt concesse tali modo quod omnes gentes sive bona que sunt per nos aut^k per nostros subditos arrestata sub nobis remanebunt, et tales gentes et bona que sunt sub ipsis arrestata similiter sub ipsis remanebunt, exeptis bonis et dampnis Arnoldi de Molenhem^l, nostri opidani Dordracensis^m, que sibi debent reddere et persolvere si dicte treuge debeant habere processum, propter hoc quod sua bona sibi ultra fidelitatem et conventionem secum factas apud Herlinghe abstulerunt; et nos ipsis ipsorum gentes et bona in terra nostra de Tessele arrestata deliberari fecimus, tali conditione quod Arnoldo predicto sua bona sibi ablata cum dampnis abinde receptis sibi debuissent reddidisse. Et super hiis treugis nobis reddent litteras ipsorum apertas cum sigillis prelatorum, grietmannorum et sigillo communis terre de Oistfrisia predicte sigillatas.

In cuius rei testimonium presentibus sigillum nostrum estⁿ appensum. Datum in opido nostro apud Montem sancte Gertrudis feria quinta ante nativitatem beati Iohannis^o Baptiste anno Domini M^o CCC^o vicesimo quinto.