Registers van de Hollandse grafelijkheid 1299-1345

Graaf Willem III beleent Pelgrim van Hoorn met 20 maden land in het ambacht Zwaag die deze eerst van Jan van Bergen in leen hield, alsmede met elf daarnaast gelegen maden die Pelgrim hem had opgedragen.

Wi Willaem grave van Heneghouwen^a etc. maken cont etc. dat Pelegrim van Horne van ons ontfaen hevet twintich made lands^b die hi te houden plach van Janne van Berghen. Voert hevet hi ons zelven up ghedraghen ende van ons ontfaen elf made lants; dit coemt in summe een ende dertich made lands, legghende an enen stucke in ambocht van Zuoech lancs den rijsdam streckende, dair lende of is an die west zide Boudijn Willaems zone van Gheervliet. Ende dit hebben wi hem ende zinen nacomelinghen verlient te houden van ons ende van onsen nacomelinghen te liene binnen achtersuster kint, niet te versterven het zie man jof wijf van wittachtigher boert, ende altoes tontfaen sonder herewade.

In orkonde desen brief bezeghelt mit onsen zeghele. Ghegheven in die Haghe des manen daghes na zinte Bartelmeus dach int jaer ons Heren M^o CCC^o zes ende twintich.