Registers van de Hollandse grafelijkheid 1299-1345

De raadslieden en de gemene stad van Staveren onderwerpen zich aan de uitspaak van graaf Willem III voor de misdaden die zij hebben begaan jegens hem en enkele met name genoemde personen; de straffen zullen door de graaf en de nieuw aan te stellen schepenen worden bepaald.

Allen den ghenen die desen brief zullen zien jof horen lesen maken wi kond raids lude ende die ghemene stat van Staveren^b met kennessen der waerheden dat wi van alre broke ende misdaet die onse ghemene porte van Staveren^c voirs. misdaen mach hebben jof heft jeghens onsen gherechten here ..den^d grave van Heynnegouwen^e etc. ghebleven zien toit zijns selves ghenaden ende toit zinen zegghen dat te verbeteren. Vort zien wi ghebleven van zulker broke ende misdaet alse ghedaen es ane Otten Hessels sone, Ludekijn^f Zibouts^g f., Poppe Ysebrands sone ende Volkaerd Tavernier^h, horen wiven, kinderen ende ane hoir goed, dat wi dat verbeteren zullen toit ons heren sgraven zegghen voirs. Ende als hi die beteringhe ghegroet heft, zoe zal hi se zetten bi rade der niewer scepene die men na desen dach maken zal binnen onser porte van Staverenⁱ voirs. bi den rechte^j; ende soe wie meest misdaen heft die zal meest verbeteren, ende die niet misdaen en heft die en zal niet beteren, behouden elken man zijns lives.

Ende om dat wi alle stucken voirscreven witteliken ende trouweliken houden willen ende voldoen, zoe hebben wi desen brief open bezeghelt met onser ghemeenre porte zeghele. Ghegheven tote Staveren^k op den eirsten meye dach int jaer ons Heren M^o CCC^o zeven ende twintich.

^l Hec littera est sub Enghelberto^m.

ⁿ Nota. De istis fecit dominus Zanderus^o de Hoeclem^p, capellanus domini Zudensis^q, publicum instrumentum, et hoc posuit Gerardus^r sub Enghelberto^s