Registers van de Hollandse grafelijkheid 1299-1345

Graaf Willem III komt met de goede lieden van Wieringen overeen dat drie van zijn lieden met de gemeente de toestand van het land en de dijken zullen inspecteren, om daarna gezamenlijk te komen tot een besluit omtrent de verstoeling van de dijken.

Wi Willaem^a grave van Heynnegouwen^b etc. maken cond etc. dat wi ^c over een ghedraghen mit^d onsen goeden luden van Wieringherland^e dat wi onse lude heren Janne van Pollanen, Heynric^f heren Dierix^g sone onsen ^h rentemester van Kennemairlandⁱ ende van Vriesland^j, ende onsen bailiu van Medenblic^k senden sullen in Wieringherland^l omme te besiene mit den ghemenen luden van den lande die scepnisse van den lande ende van den dike. Draghen sijs over een dat bet slands oirbair is dat elc land sinen dijc ende sine stolinghe hebbe in den ban dairt land gheleghen is, so salmen alt land meten mit slands coste ende stoelen sonder ban ende boete; ende die nu over land hebben, sullent behouden sonder verboirnise^m jeghens ons, mairⁿ si sullent voirt ane diken ghelike den anderen, land lands ghelike. Draghen oec onse lude mitter meenten over een dat bet slands oirbair is dat men dike alst nu ghedijct es ende ghestoelt, wi sullens ons laiten ghenoeghen tonsen verbeteren toe. Ende hier of sullen si onsen luden voirscreven horen cost gheven varende^o ende kerende.

In orkonde etc. Ghegheven tote^p Hairlem op sente Symon^q ende Juden^r dach int jaer^s ons Heren M^o CCC^o ende dortich.