Registers van de Hollandse grafelijkheid 1299-1345

Willem van Henegouwen graaf van Zeeland, die toestemming heeft gegeven voor de aanleg van een inlaagdijk tussen Barsingerhorn en Medemblik, geeft de inwoners van Gawijzend, dat voor die dijk plaats moet maken, grafelijk en ander land te Valkkoog.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. de in het register voorafgaande oorkonde nr. FR 142.

Willem^a van Heynnegouwen^b .. grave van Zeelland^c maken cond allen luden. Want wi omme die noed die in Vriesland was van den dike ende omme narenstelike bede ende versoec van den ghemeenen Vriesen van Westvriesland ghegheven hebben oerlof een inlaghe te maken tuschen Beersingher hoerne^d ende Medenblic, daer men dat dorp tote Ghaewijsende^e ende al dat land dat te Ghaewijsende^f behoert mede uytslaen moet, ende wi noede zien souden dat die arme lude land rumeden, zoe hebben wi hem ghemeenliken dien van Gaewijsende^g ghegheven tote ons lieves heren ende vaders wedersegghen toe jof den onsen al dat land dat onse lieve here ende vader hevet in Valkenkoeghe^h ende die rentemeester van zinen weghen ghebruict, ende al dat land dat die van Waterland toe behoeren zouden in Valkenkoegheⁱ ende dat Tieman Reynier Clercs^j zone bezeten heeft, toet ons lieves^k heren ende vader^l wedersegghen toe voerscreven; ende dat land wedersegghen wi Tyemanne^m voers. van ons heren ende vadersⁿ weghen voerscreven.

In orconde desen brieve bezeghelt met onsen zeghele^o. Ghegheven in die Haghe des sonnendaghes voer sinte Valentijns dach int jaer ons Heren M^o CCC^o vier ende dortich.