Registers van de Hollandse grafelijkheid 1299-1345

Graaf Willem III geeft meester Meinard van Vronen gedurende diens leven een rente van 20 schellingen Hollands per jaar, uit te keren door de rentmeester van Kennemerland en West-Friesland.

Willaem ..grave van Heynnegouwen^a, van Holland^b ende here van Vriesland^c maken cond allen luden dat wi meester Meynairden van Vroenen ghegheven hebben tot sinen live twintich scellinghe Hollands^d tsjairs, te betalen alle jare tote Pijnstere; ende ombieden Henric^e heren Dierix^f sone onsen rentemeester van Kenemairland^g ende van Vriesland, jof wie dat dair namaels rentemeester wesen sal, dat si^h hem jairlix betalen sine rentenⁱ toten termine voirscreven, ende nemen van hem dair of een betoech, ende van also vele sullen wise met dien betoghe quiten in hore eerster rekeninghe.

Ghegheven tote Hairlem des sonnendaghes na onser Vrouwen dach half oichste int jair ons Heren M^o CCC^o ses ende dortich.