Jacob Plonisz. van Zutphen verklaart dat graaf Willem III hem 58½ mark Brabants heeft betaald vanwege diens borgstelling voor de graaf van Mark, alsmede 9 pond groten vanwege de door hem, Jacob, in verband daarmee gemaakte onkosten.
Jacob Amplonis z. van Zuytfaen.
Allen den ghenen die desen brief zullen sien jof horen lesen make ic cond Jacob Amplonis sone van Zuytfaen dat een edel man ende een moghende, hair Willaema grave van Henegouwenb etc., mi ghenoech ghedaen ende betaelt hevet des dinxendaghes na Beloken Paeschen tote Zierixee van des graven weghen van der Marke, dair hi borghe of was ende ic ghegroet hadde voir scepene van Zuytfaen, neghen ende vijftichtalf marke Brabands ende dair toe also vele van coste dat al beloept neghen pond grote, die ic ontfanghen hebbe; ende houde mi dair of wel ghepait ende scelde dair of quite den grave van Henegouwenc ende van Hollandd ende den grave van der Marke voirs. ende alle hore lude, ende voirt scelde ic den grave van Henegouwene ende van Hollandf ende alle sine lude quite van allen coste ende scade die ic dair om gheleden hebbe zeder die tijd dat hijs borghe wart.
In oirconde etc. Ghegheven tote Zierixee des dinxendaghes na Beloken Paeschen int jaer ons Heren M CCC zeven ende twintich.
Hec littera est sub Enghelbertog.