Schepenen van Acquoy verklaren dat ten overstaan van hen Hubrecht de Schenk 2 hoeven land in het gerecht van Acquoy heeft opgedragen in vrij eigendom aan Engebrecht van Voorschoten ten behoeve van graaf (Willem III), met de bepaling dat hij die hoeven van de graaf zal houden in recht leen.
Die scepen van Eckoy.
In de marge, door andere hand: Hubrechta de Scenke.
Wi Jacob van Diemen ende Berntb Hillen zone, scepenen tote Eckoy, doen verstaen allen den ghenen die desen brief zullen sien jof horen lesen dat voir ons quam Hubrecht die Scenke int ghericht van Eckoy ende droech op Enghebrecht van Voirscoten tote des graven behoef van Hollandc twie hoeve lands die gheleghen sien int gherechte van Eckoy, an die nederste zide van der eere hoeve so es gheland mijn jonchere van Heynsberch ende an de verste zide Ghisebrecht van Kaets, ende an die ander hoeve so es gheland mijn jonchere van Heynsberch beneden ende herBaudeken van Avenzaet boven; ende Hubrecht die Scenke ghaf Enghebrecht voirghenoemd enen vrien eyghendom tote des graven behoef van Holland, met dusdanighen voirwaerden dat hi dese twie hoeven van hem houden zal tenen rechten erflene.
In oirconde desen brieve bezeghelt met onsen zeghelen int jaer ons Heren dusend driehondert ende zesse ende twintich, op sente Jans avond als hi onthoefd wart.
Ista littera est sub Enghelberto.