Graaf Willem III verleent op verzoek van graaf Reinoud II van Gelre de poorters van Harderwijk de gunst dat zij voor de goederen die zij vanuit zee naar Holland voeren aan zijn tollen de honderdste mark betalen, maar voor de goederen die zij over de rivieren aanvoeren evenveel tol betalen als de andere vreemdelingen.
Harderwijkea.
Een streep door het begin van de tekst.
Vgl. nr. GE 48.
Wi Willaem grave van Henegouwenb etc. maken cond allen luden dat wi omme bede willen ons liefs neven heren Reynouds, grave van Ghelre, hebben ghedaen sulke gratie sire poirte van Harderwike dat si voir bi alle onse tolne van alle horen ghoede dat si brenghen uter zee in onsen lande zullen si ons gheven den honderstich marc, mair van allen ghoede dat si van boven nederwaerd brenghen in onsen lande, het sie bi den Rijn, bi de Wael, bi der Maze, bi der Ysele jof bi enighen andre watre die van boven comen, dair of zullen si ons tolne gheven van horen ghoede gheliken andren vreemden luden; ende alle dese dinghe zullen duren tote onsen weder zegghen, ende wesen sonder archlist.
In oirconde desen brieve bezeghelt met onsen zeghele. Ghegheven tote Oudewaterc des vridaghes voir Pinxster int jaer ons Heren M CCC achte ende twintich.
Per dominum comitem, Zudensemd et alios.