Registers van de Hollandse grafelijkheid 1299-1345

Graaf Willem III beleent Jan zoon van Hendrik Mayenz. met de goederen in Ammerzoden en Aalst die diens vader in leen hield en daartoe had opgedragen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem grave van Henegouwen^a etc. maken cond etc. dat Henric Mayen sone, onse ^b man, ons op gedraghen hevet in onsen handen alsulc lienghoet als hier na volghet, legghende in der heerscip van Ghelre, dat hi van ons liene hout: inden eirsten ^c twie morghen lands in der prochi van Amersoyen, legghende in dAmeroyske broeke; item neghen morghen lands gheleghen in die prochi van Alste an den Zeedijc; item achte morghen lands inder zelver prochi over dEende, in ene hoeve mit heren Janne ^d van Rijswijc; item twie morghen lands legghende in die zelve prochi op Wordele; item drie morghen lands legghende in die zelve prochi opt Zand; item vijf morghen lands legghende in die zelve prochie in die uterste Weydehoeve; item drie morghen lands legghende in die zelve prochi op den Over hoef, ende een huys mitter hofstat alst binnen gheleghen es; wilc land ende ghoet voirscreven bi Heynrix versoeke voirs. wi voirt verlient hebben Janne sinen sone in leene tehouden van ons ende van onsen nacomelinghen.

In oirconde etc. Ghegheven tote Valenchijn des donresdaghes na Grote vasten avond int jaer ons Heren M CCC neghen end twintich.