Otto heer van Cuijk belooft graaf Willem III dat hij Nicolaas Zivaardsz., die op beschuldiging van moord te Dordrecht gevangen is en aan hem is uitgeleverd, zal berechten, en dat hij in de toekomst hetzelfde zal doen in overeenkomstige gevallen wanneer de graaf of diens lieden daarom verzoeken.
Her Otte van Kuyck.
Allen den ghenen die dese yeghenwoirdighe lettere sien zullen ende horen lesen, wi Otte here van Kuc saluyt ende kennesse der wareyd, maken cond u allen dat wi in dese yeghenwoirdighe lettere in ghoeden trouwen gheloven enen machtighen manne ende enen hoghen, heren Willame grave van Henegouwena ende van Holland, want hi ons enen man diemen noempt Clays Sivartb sone van morde dair af di hi ghevanghen es te Dordrecht ende over levert es afte rechtene, dat zelve te doene oft namels viele of wi versocht worden van hem of van sinen anderen luden van gheliker misdade.
In oirconde deser voirwairde ende gheloifte hebben wi dese lettere bezeghelt met onsen zeghele. Ghegheven int jaer ons Heren alsmen scrivet M° CCC° ende neghen ende twintich.
Ista littera est sub Enghelberto.