Registers van de Hollandse grafelijkheid 1299-1345

Graaf Willem III en graaf Reinoud II van Gelre komen overeen dat zo lang zij leven de rechtsmacht over alle rechten en goederen van het Sticht Utrecht aan deze zijde van de IJssel binnen de invloedssfeer van de Hollandse graaf zullen vallen, die aan de overzijde van de IJssel binnen die van de graaf van Gelre.

Vgl. nr. GE 53.

Wi Willaem grave van Henegouwen^a etc. ende wi Reynoud grave van Ghelre maken cond allen luden dat wi mallic anderenden gheloift hebben ende gheloven also langhe als onser enich levet bi onser trouwen ende bi onser zekerheden, dat wi Willaem grave van Henegouwen^b voirs. ons nimmermeer onderwinden en zullen enich rechts, gheestelijc of waerlijc, dat den Stichte van Utrecht toe behoirt alse van des Stichts heerlichede ende ghoede op gheenre zide der Ysel, tuschen der Ysel ende der gravescip van Ghelre, ende zullen dair mede onsen neve den grave van Ghelre laten bewerden; ende des ghelike gheloven wi Reynoud grave van Ghelre dat wi ons nimmermeer onderwinden en zullen enich berechts, gheestelijc jof waerlijc, dat den Stichte van Utrechte toe behoirt alse van des Stichts heerlichede ende ghoede op dese zide der Ysel, tuschen der Ysel ende der gravescip van Holland, ende zullen daer mede onsen neve den grave van Holland bewerden laten.

In oirconde desen brieve bezeghelt met onsen zeghelen. Ghegheven tote Woudrichem des manendaghes op zente Marien Magdalenen dach int jaer ons Heren M CCC een ende dertich.