Registers van de Hollandse grafelijkheid 1299-1345

Graaf Willem IV bevestigt de schenking door zijn moeder (gravin Johanna) aan Mahieu le Keut, haar en zijn knecht, van 30 pond jaarlijks en van 15 bonnier land bij Chièvres, waarbij hij in plaats van dat land, dat hij aan de kerk van Vicogne had geschonken, aan Mahieu een aantal nader omschreven percelen toekent, tesamen ongeveer 18 bonnier groot.

Vgl. nr. HE 6.

De onderstaande tekst is gebaseerd op afschrift B.

Nous Guillaumes^a coens de Heynnau^b, de Hollande^c, de Zeellande^d et sires de Frize^e faisons savoir a tous que comme no chiere dame et mere, dont Dius ait lame, euist donnee a Mahiu le Keut, sen vallet et le nostre, pour le boin siervice que il avoit fait et feroit a li^f et a ses hors XXX livres de terre par an, que fu acquize a monsigneur Jehan de Wasiers, que li dis Mahius^g tient de le dame de Leuze^h et de labei de Saintⁱ Amant, et encore avoeck les dittes XXX livres de terre no chiere dame et mere avoit baelliet et delivreit au dit Mahiu XV bonniers de terre pau plus u^j pau mains, que no chiere dame et mere acquist as hoirs les Liones, seans in plusieurs^k pieches dedens le sart de Chierve, a prendre et a rechevoir les pourfis jusques a tant que li dis Mahius^l fust remis sour le sien et en goesist^m pasivlement; sachentⁿ tout que nous les devant dites XXX livres de terre donnees au dit Mahiu, si que devant est dit, confremons^o et aprouvons au dit Mahiu^p et a ses hors, et encore pour le boin siervice que il nous a fait et fera^q nos donnons et otrions au dit Mahiu et a ces hoirs hiretalement a tous jours en restor^r des XV bonniers^s de terre dessus dis, que no chiere dame et mere li avoit bailliet et delivreit en le maniere par chi dessus expressee^t, les quels nous avons rendus a leglize de Vicongne, XVIII bonniers de tierre pau plus pau mains, seans en plusieurs pieches dedens le sart de Chierve, cest asavoir a Pailliuel V journees, a Matinhaie^u V journees, en le Brievere en une pieche XI journees XIII verges mains, item apres II bonniers apres tenant a ces XI journees, as courtuis^v du bos le ville IIII boniers III journees et demi, au buissonchiel III journees et demi, a le hst haye^w Maillehierbe demi bonnier, et^x a le voie de Hardainpont au lés pardeviers Chierve en une pieche de IIII bonniers^y VII journees. Et^z pour chou lui avons nous rendut XVIII bonniers de terre pour XV que les dittes terres ne sont mie de par ingal value; et ches XVIII bonniers de terre dessus nommés li dis Mahiu^a' tient et tenra il et ches hoirs de nous en fief, et en est li dis Mahiu^b' entrés en no hommage^c', derekief nous lui avons donnés et donnons avoec les coses dessus dittes le maison ki fu Jakemon le Cuvelier^d', seant ou markiet de Chierve, tout ensi comme elle sestent devant^e' et deriere en fons et en comble; et toutes ches coses desus dites as us et as coustumes que on les a tenus et maintenues nous les avons^f' transpoertees et transportons au dit Mahiu^g' pour lui et pour ces hoirs, et len avons mis en saisine. Et lui promettons^h' et avons enconvent a condure et a warandir^i' de tous et encontre tous.

En tiesmoingnage des queles coses nous avons ches lettres saielees de no sayel. Fait et donnees en Valenchines^j' le juedi apres le zanct Remy de octembre, lan de grace mil trois cens et seze.