Registers van de Hollandse grafelijkheid 1299-1345

Graaf Willem III legt een vrede op in de twist tussen zijn neef Gerard van Fontaine en abt en convent van Aulne, dit na klachten van de laatsten, en verbiedt Gerard en diens helpers het klooster nog lastig te vallen; hij stelt zichzelf en zijn opvolgers garant voor afdwinging van dit verbod.

De onderstaande tekst is gebaseerd op afschrift B.

Guillaumes^a cuens de Haynau^b etc. faisons savoir a tous chiaus ki ces presentes ^c veront u oront, salut et^d cognissanche de veriteit. Cum debas euist esteit de nostre chier couzin Gerard de Fontainnes^e enviers^f homes ^g religieus labbeit et li couvent dAlne, si ke li dit religieus en sont greveit et damagiet, et en soient li devant dis^h religieus trais a nous par pluiseurs fois en priant humblement a nous ke pour lamour de Dieu nous leur fesissiemes pourter pais de no dit couzin, a celle fin que ze nous les troviemes en aucun mesfais enviers no dit couzin, il estoient aparilliet del amenderⁱ a nostre dit et a nostre volenteit, et se nous les trouviemes que nous leur fesissiemes pais porter pour lamour de Dieu. Et nous, consideret le boine volenteit des dis religieus, avons requis et monstret par nous et par no Conseil a no dit cousin les raives^j et les parolles des devant dit religieus, et nous a eut^k enconvent quil nous en crera^l dou tout, dou haut et dou bas, et nous par nous et par nostre Conzeel bien enfourmeit des debas devant dis, pour chou que nous sommes tenut de faire pais porter a tous chiaus ki sont tournet a sierviche nostre Signeur; avons dit et disons nostre ordenanche en teil maniere ke boine pais et boine amistés^m soit de no dit couzin et de tous ses apartenans enviers les dis religieus, ne ke jamais de che jour en avant li dit religieus ne soient gravet ne damagiet de no dit couzin ne de sesⁿ apartenans en lokison des debas devant dis, pour quelconques cozes que avenue soit des debas devant dis, de chi a^o jour dui. Et^p sil avenoit ensi^q, que ja naviegne, ke dou tamps ki avenir est nos dis couzins ne^r aucuns de ses apartenans vosist les dis religieus ^s u grever des debas ne des avenues devant dites ke venues en sont, nous en prometons loyal warandize as devant dis religieus, et a chou nous obligons nous et no successeurs.

Par le tesmoing^t de ches presentes lettres saielees de no saiel. Donnés lan de grasce mil trois cens et^u vint, le diswitisme jour davril.