Registers van de Hollandse grafelijkheid 1299-1345

Graaf Willem III beleent ten overstaan van een aantal met name genoemde leenmannen Étienne Brongnart van Hénin, ridder, met een roodbruine valk jaarlijks en met de heerlijkheid en het hoge en lage gerecht die hij bezit op het land van de kerk van Saint-Amand-en-Pévèle; de getuigen maken van de rechtshandeling eveneens een bezegelde oorkonde op.

De onderstaande tekst is gebaseerd op afschrift B.

Guillaumes^a cuens ^b etc. faisons savoir a tous que pour le boin siervice et loyal que nos a fet nos chiers foiaules Estevenes^c dis Brongnars de Hanin^d, chevaliers, par lonc tans et puet ^e encore faire a nos et a nos hoirs sil plaist a Diu, nous en le presence et en tesmoing de plusours^f de nos homes de fief chi apres nommés, cest asavoir Willem^g signeur de Gommegnis^h, Gerart signeur de Potesⁱ, Gerart^j dou Chasteler^k, signeur de Bielaing et de Hollaines, chevaliers, Jehan^l Biernir^m no vallet, et pluseurs autres ki pour chou li chi apres est comtenuⁿ en ces lettres faire bien et soufficiament furent tout comme no home de fief pour chou apielet^o speciaulment, et nous avons^p donnet et donnons presentement au dit Estevenen^q Brongnars^r pour lui et pour ses hoirs a toutes jours hiretaulement un sor faucon^s cescun an et toute le signerie et justice haute et basse que nous aviens es terres del eglize de Saint^t Omant en Poule, de lissue de Amfropret^u, au lés^v devers Bavay dedens Grant camp^w et dedens Petit camp et^x ou kemin ki va parmi ces dites terres, tout si avant ke li terre de Saint Amant^y se porte et sestent, en quel liu ki se soit, a tenir de nous et de nous hors apres nos contes^z de Hainnau^a' et en hommage a tous jours perpetuelment, sauf a nos et a nos hoirs le souverainiteit^b' ensi que nous lavons sur nos autres de fief par tout no pais et terre de Haynnau^c', le quelle dite signerie et justice haute et basse avoecke faucon sour cescun an en le fourme^d', manieres et condicion que devant est dit nos dés maintenant les quitons et clamons quite au dit Estievenon^e' et a ses hoirs, et les mettons dés maintenant ou tiesmoing de tous nos dessus nommés^f' hommes de fief pour lui et pour ses hoirs a tous jours en plaine corporele possession^g', et paisivle a tenir de nous et en hommage et^h' de nos hoirs de Haynnau apres nos, en le maniere ke devant est dit; et permettons encore puis le jour de wi en avant pour nos et pour nous hoirs dessus dis au dit Estevenon et a ses hoirs tout le devant dit don encontre tous conduire, tenser^i', warandir et faire pourter paisivle, comme sires souverains de le dite terre et dou paijs de Haynnau a tous jours ^j' perpetuelment.

En tesmoing des queles cozes dessus dites si avons au dit Estevenon^k' pour lui et pour ses hoirs dessus dis donnés ces presentes lettres seelleis de no^l' propre seel en conniscanche de ceurtet, si prions et requerons a tous nos dessus dis hommes de fief ki foyaules sont^{m' n'} et ki requis en seront, pour chou que a no requeste il ont tout estet^o' au don dessus dit faire en le maniere^p' que devant est dit bien et soufficaument comme no homme de fief, pour che apiellet soufficaument; il en^q' doisent leur lettres seelees de leur propre zeal avoec ces lettres in plus grant connissance de veriteit. Chils dons^r' dessus dis fu ensi ke dit est pardevant nos soufficaument en no camp^s' de no castiel de Mons en Haynnau en lan de grasce mil trois cens XVIII ou mois doctembre, vint et wit jours ou mois.