Registers van de Hollandse grafelijkheid 1299-1345

Graaf Willem III vergunt abt en convent van Lobbes dat zij voor hun eigen levensonderhoud gedurende acht jaar 100 mud graan jaarlijks uit hun goederen in Henegouwen ontvangen, en dat van het restant van hun goed aldaar een door hem aangesteld persoon hun schulden zal betalen; voorts verleent hij hun vrijgeleide in Henegouwen voor henzelf, hun gevolg, hun paarden en hun goederen, zonder dat zij in verband met hun schulden gearresteerd mogen worden.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Guillaumes^a cuens de Haynnau^b, de Hollande, de Zeellande et zires de Frize^c faisons savoir a tous que pour le grant nesesciteit et bezoing apparant que nous veons et savons ke li abbés^d et li convens de le eglize Saint Piere^e de Lobbes^f ont et pour le pourfit de leur crediteurs^g a cuil yl zoient, ke nous volons quil soient adrechiet selonc lestat^h de le dite abbeyeⁱ, nous avons eut deliberal conseil pour ces besoignes en le fourme^j et en le maniere ke chi apries sensuit. Cest asavoir ke nous avons fait grasce et faisons as dis abbeit et couvent tele que nous volons que pour leur vivre proprement yl aient cescun an des biens, et sour les biens quil ont en no conteit de Haynnau, cent muis de^k bleit, tele ke leur sencisseur^l leur doient, parmi le terme de wit ans continuels^m et ensuiwans lan apreis lautre, dou jour dui en avant, comment quil soient obligiet enviers autruy; et tous li remanans de leur biens quil ont en no dite conteit de Haynnau, et ki eskeirⁿ leur poront devens les wit ans devant dis, sont et seront en no main et en le main dou homme que nous i mettrons^o et estaulirons de par nous, ki leur devant dis biens mettera loyaument et convertira en paiament des dites^p quil doivent en no dite conteit de Haynnau. Item des dons ki sont donneit u poront estre donneit a nous u a nos justices sour des dis abbeit et couvent u sour leur biens devens le tierme^q des wit ans devant ^r, nous volons quil en soient quite et nen puissent eistre poursuiwit a nul tens^s par nous ne par autruy de par nous, et les en quitons par ces presentes lettres. Item volons nous ke des dettes kil doivent il ne puissent estre constraint en no dite conteit plus avant ke leur biens se poront estendre, et toudis sauve a^t yaus le grasce deseure dite que nous faisons et avons faite. Item volons nous que li abbé et convens de le dite eglize de Lobes, leur masnies et tout chil qui sont et seront a yaus, leur cheval et leur bien, sans fraude, puissent aller, venir et demorer paisivlement par toute no dite^u conteit de Haynnau pour faire et pour chachier leur besongnes, sans nul arest faire sour yaus par nous ne par nos justices en loccoison de dettes que li dis abbés et convens doient u puissent devoir, et les prendons et rechevons en no conduit et warde. Item volons nous ke leur sensisseur ne puissent eistre constraint en no dite conteit de Haynnau et paijer ne defracier^v plus avant que li paiement de leur cense monteront, et sans fraude. Et mandons et commandons a no baillie de Haynnau et a tous nos provos, sierjans et autres justices de no dite conteit de Haynnau que encontre le grasce deseure dite et le teneur de ces presentes lettres il ne facent ne viegnent par yaus ne ^w autruy.

Per le tiesmoing de ces lettres saielees de no saiel. Donnés lan de grasce M^o CCC^o et^x XX^o, le mardi prochain devant le convercion saint Pol lapostle.