Registers van de Hollandse grafelijkheid 1299-1345

Graaf Willem III beleent zijn broer Simon de bastaard met een aantal nader omschreven goederen in Marly en elders, die op diens erfgenaam zullen overgaan wanneer er bij diens overlijden wettig nageslacht in leven is, bij ontstentenis waarvan zij evenwel aan de grafelijkheid zullen terugvallen; hierbij scheldt Simon hem de 100 pond kwijt die hij hem nog schuldig was.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Guillaumes^a cuens ^b etc. faisons savoir a tous que nous avons donneit, quiteit et otriet, donnons, quitons et otrions a no chier et amé frere^c Symon le bastart et a sen hoir apres lui hiretaulement et perpetuelment a tous jours et toute liestre, ensi com il se porte et estent en tous costés, les preis, le fontaynne et le cresseniere qui jadis furent Mahiu^d de Wargny, seans ens le^e ville et ou terroir des Marles^f, et vint et chuiank bonniers^g de terre ahanaule^h, pau plus u pau mains, que Rispillis tenoit de nous a senceⁱ au jour de le confection de ces presentes lettres, gisans en pluiseurs pieches chi apres nommees, cest asavoir as gillieres^j tenant a le voie de le pourchession, de le terre ki fu Wautier^k Brochon, sis witelees^l quarante wit^m verghenⁿ; item as dictes argillieres tenant a le tiere ki fu monsigneur Jehan^o de Marles^p, chuink witelees quarante noef verghen, se furent Willem^q Roesseil^r; item as dites arguillieres de le lettre^s ki fu Watier^t Bronchen^u, chuink moiees^v trois witelees quarante sis verghen; item a le voie ki fu Zebourch de le terre ki fu Willem^w Rousseil^x, neuf witelees trente trois verghen; item a lespinete^y monsigneur Jehan^z de Valenchienes^a' de le terre qui fu Jehan^b' le Dan, trois moiees^c' sept^d' witelees cissante verghen; item a le voie de Zebourch^e' de le terre qui fu Willem Roessele^f', sis moiees trois witelees cissante douze verghen;^g' item devant le maison qui fu le dit Mahuy^h' de Wargny, tenant a kemin dou Kaisnoit^i', deus moiees deus witelees quarante verghen; item a le sauch^j' a Havenes^k' tenant au kemin dou Casnoit^l', de le terre qui fu le dit Willem^m', un muy sissante trois verghen; item au bos de Rollen tenans as blés, de le terre qui fu Watier^n' Brochon, un muy trente quater verghen; item a le voie de Hanel^o' quatorze witelees trente wit verghen; item a le voie de Bavay des terres qui furent Willem^p' Rousseil^q', deus witelees vint et chuink verghen; encore avons nous au dit Zymon^r' et a sen hoir a tous jours hiretaulement donné et donnons le maison, le tiere et toutes les revenues que nous aviens a Saint Piton^s' et ou tieroir de ce mesme lieu, qui jadis furent Romon^t' le Lombart^u'. Les queles maisons, terre et revenues toutes entirement devant dites nous avons au dit Symon et a sen hoir a tous jours, si com dit est, donnés et donnons quittement, et len avons mis et mettons des maintenant en tenure, ^v' en saysine et en vraie et^w' corporele possession a tenir et avoir de nous et de nos hoirs contes de Haynnau^x' a tous jours en fief et en hommage, et tout en teil maniere: nos chiers freres dessus dis y est entrés et^y' en a fait hommage a nous, et nos len avons rechuit a homme; encore avons nos pour nous et pour nos hoirs a tous jours renonciet et renonchons perpetuelment, sans rappiel, a tout le droit, le action et le proprietet que nous u nos hoir y poriens doreenavant, par quelconques cause, pour raison ke ce fust reclamer u demander^z', sauf a nous et a nos hoirs contes de Haynnau^a'' lommage et toute haute justice et souvrainneté en tous les lius devant nommés, et sauf encore a nous et a nos hoirs les maison, les prés, les terres et toutes les revenues deseure dites qui a nous reskeroient et revenroient apres le^b'' deches dou dit Zymon^c'' sen si estoit que il trespassast de cest siecle sans avoir hoir de che chair de loyal mariage, vivant au jour de sen trepas. Encore nous pour nous et pour nos hoirs promettons au dit Symon et a sen hoir a tous jours si, com dit est, les maisons, lettres^d'' et toutes les revenences devant dites a conduire, tensser^e'' et deffendre et warandir paisiules contre tous chiaus qui a droit et a loy en vulroient venir. Et parmi le don present fait au dit Zymon^f'' des cozes deseure dites, li dis Symon^g'' a nous et nos hoirs quites et quites clames perpetuelment a tous jours de cent livres de terre, que nous lui deviermes^h'' aprens en nos coffres.

Per le tiesmoing de ces presentes letters saielés de no saiel. Donnés a Valenchienes^i'' en lan de grasce mil trois ^j'' et vint^k'', au venredi prochain apres le octaves dou jour le purification nostre Dame con dist candeler.