Registers van de Hollandse grafelijkheid 1299-1345

Graaf Willem III schenkt Jean de Frasne voor de duur van diens leven de poortwacht en de toren van zijn kasteel van Ath, en wel na de dood van de huidige bezitter meester Koenraad de armborstschutter, waarmee dan alle uitkeringen komen te vervallen die hij Jean schuldig mocht zijn.

De onderstaande tekst is gebaseerd op afschrift B.

Guillaumes^a cuens etc. faisons savoir a tous ke pour le boin siervice ke Jehans de Frane nous a fait et encore fera nous li avons donneit et donnons le warde de le pourte de no castiel dAth, et le tourrie avoec, apries le moirt de maistre Conraerd^b no abalestrier, ki ore tient le dite warde de le porte et le tourrie; li quels Jehans de Frane apres le dechees dou dit maistre Conrard tenra le warde de le dite porte et le tourrie tout le cours de se vie, en la fourme et en la maniere que meistre Conrars^c le tient ore, sans malengien, sil ne le^d forfaisoit ^e. Et si cest que li dis Jehans de Frane sera venus a warder le dite poirte et a tenir le dite tourie apres le mort le dit maistre Conrard, si^f devons iestre quite enviers le dit Jehan^g de tous waiges et de toutes pensien^h que nous li devronsⁱ, poriens devoir et ke il^j nous poroit demander.

Per tiesmoing des ces presentes^k zelees de no zeel. Donnés a Mons en Haynnau^l le diemenche apres le jour sainte Siervais^m en lan de grasce mil trois cens vint et siept.