Registers van de Hollandse grafelijkheid 1299-1345

Graaf Willem III vergeeft op verzoek van verscheidene hoge lieden de broers Savale Crespin en Jean Crespin, ridders, hun expeditie in Haubourdin in de jurisdictie van de heer van Ligny, dat door de graaf in leen gehouden wordt van het Duitse Rijk, alwaar zij en hun helpers wederrechtelijk een huis in brand hebben gestoken en Boudewijn de Le Motte en Gerard de Hars met geweld hebben weggevoerd naar de jurisdictie van de Franse koning, alwaar dezen zijn berecht en geëxecuteerd, en hij belooft dat hij hen noch hun helpers zal straffen of laten straffen.

A tous chiaus qui ces presentes lettres verront u orrunt^a, Willaumes^b cuens de Hanau^c etc., saluyt en nostre Signeur. Comme Sauvales Crespins et Jehans Crespins ses freres, chevalier, avoec plenté de leur aidans feissent^d auchunes entrepresures en le ville de Hasbourdin, en le tiere et^e en^f le justiche de no amé cousin le signeur^g de Lin^h, castellain de Lilleⁱ, es fiés^j qui sont tenut de nous en lEmpire dAlemaingne^k, sicom de bouter fu^l en une maison en le quele Baudes de le Mote^m et Grars de Hars estoient et diaus assalir et prendre par forche et, iaus pris, de couperⁿ le teste au dit Grart a manire^o de justiche, et des dessusdit Baudwin^p et Grart, qui estoient a warant trait a Halsbourdin^q en le maison dessusdite et en^r lEmpire, estraire et sachier hors par forche et par violence dou dit Empire, en iaus delivrant as justiches dou royaume de Franche^s, les queles justiches tantost en fierent excecution, en aland contre les us, les coustumes et les nobleches del Empire dAlemaingne^t et contre nous et nostre signourie, les queles entrepresures nous desplaisoient et desplaire devoient, mouvoient et mouvoir devoient le coraige de nous a ire contre les dessusdis Sauvale et Jehan^u, chevalier, et leur aidans; sachent^v tout ke a le prijere^w et requeste^x de pluiseurs grosses gens qui^y prijet nous en ont, quittons as devant dis Sauvale et Jehan et leur aidans les entrepresures^z de Halsbourdin dessusdites et tout le fait generalment et especialment, et toutes les choses closement de coi^a' nous porriemes ou cause ariemes de suiwir les devant dis Sauvale et Jehan^b', chevalier, ou personne pour iaus, dessi au jour duy et de toutes les choses ^c' fourfaitures dessusdites, et a toutes les choses dessusdites fermement tenir et amplir en bone foye et loialment obligons nous et nos hoirs, sans de riens aler encontre par nous ne par autrui de par nous.

En tiesmoingnage^d' des quels choses nous avons fait mettre no propre seel a ces presentes lettres. Donnees lan de grasce M CCC XXV, le jour saint Thumas lapostle^e' ou^f' mois de decembre.