Registers van de Hollandse grafelijkheid 1299-1345

Graaf Willem III, die Frank, zoon van zijn knaap Jan Crupeland van Brussel, eerder had begeven met de eerst vrijkomende kanunniksprebende in de Sint Vincentkerk in Soignies, kent hem tot die tijd een jaarrente van 30 pond Tournois toe ten behoeve van diens studie.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Guillaumes^a cuens de Haynnau^b, de Hollande^c, de Zeellande^d et sires de Frize^e faisons savoir a tous que comme nous avons enconvent a provenir^f Franke, fil Jehan Crupeland de Brousselle^g, no amei vallet, de le premiere provende^h et canesie qui vakera u eskera en le ecglize Saintⁱ Vincien en Songnyes^j, dont il a nos lettres ouvertes zeelés de no zeel, nous tresmaintenant avons donnei et donnons au dit Franke pour Dieu et en aumosne^k et en aiuwe^l de poursuir les escoles trente livres de Tornois^m, un gros Tornoisⁿ le roy pour seze deniers le piece, a paijer chescun an au terme^o de le saint Jehan^p baptiste^q, tant et si longement que li dis Frankes sera pourveus^r et mis en possession paisivle^s de le ditte pourvende; et luy mis^t en le devant^u ditte paisivle possession, nous devons estre quites de paijer au dit Franke les trente livres deseure nommés.

Et pour chou que toutes chozes dessus dittes soijent fermes et estaules en le maniere que dessus est dit et devisé, nous avons ches presentes letteres saielees de no saiel. Donnés lan de grasce mil trois cens vint et sept, le joedy apres le vintime jour dou Noel.