Registers van de Hollandse grafelijkheid 1299-1345

Graaf Willem III doet samen met de heer van Voorne uitspraak in een geschil tussen Jan Persijn, zoon van heer Nicolaas Persijn, enerzijds en jonkvrouw Dirk Nicolaas, dochter van Dirk Persijn, anderzijds over de goederen die Dirk Persijn in leen hield van diens broer heer Nicolaas Persijn.

De onderstaande tekst is gebaseerd op afschrift B.

Wi Willaem^d grave van Henegouwen^e etc. maken cond etc. dat wi een segghen an ons ghenomen hadden met onsen neve den here van Voirne, tusken Jan Persine^f heren Nyclais^g Persijns^h sone ende joncfrou Dirric Clais Dirric Persijnsⁱ dochter, alse van allen den goede dat Dieric Persijn^j helt te leene van heren Niclase Persijn sinen brodere, waer of wi onse segghen gheseghet hebben met onsen neve den here van Voirne in deser manieren: dat joncfrou Dirric Clais voerghen. hebben sal alle horer moeder lijftochte na hore moeder doet die Dirric^k Persijn hore moeder te lijftocht ghemaect^l hadde. Voirt van al den anderen lien goede dat Dirric^m Persijn helt van heren Niclaysⁿ Persijn, daer sel of nemen Jan Persijn voerghen. die ene helfte ende joncfrou Dirric Clais voerscreven die ander helfte, het en^o waer dat sake dat Jan Persijn kende, alse recht es, tuisken hier ende sinte Andries daghe^p die naest comet hoe vele hi haer bekende, het waer min jof meer, dat soude si hebben; ende en kende hi niet binnen deser tijd alset voerscreven es, so soude si hebben al tgoet dat wi hoir toe gheseyt hebben.

In orkonde etc. Ghegheven te Leyden des woensdaghes na sinte Lucas daghe int jaer ons Heren M CCC een ende twintich.