C
Jacob bisschop van Zuden en graaf Willem III beloven Jan van Zaanden de nader omschreven goederen te vrijwaren die broeder Arnoud, commandeur van de Johannieters te Haarlem hem in vrij eigendom had verkocht en die onderdeel waren van de goederen die Hazekijn Jansdr. van Zaanden met haar voogd Willem vrouw Baartenz. aan de graaf had opgedragen ten behoeve van genoemde bisschop, die ze van de graaf in vrij eigendom had ontvangen voor hemzelf en genoemd klooster met de bepaling dat Hazekijn uit de opbrengsten haar lijftocht zou hebben.
Die biscop van Zuden ende Jan van Zaenden.
De onderstaande tekst is gebaseerd op afschrift B.
Wi Jacob, bi der ghenaden Gods biscop van Sudena, ende Willaemb gravec van Heynnegouwend etc. maken cond allen luden. Want Hasekijn Jans dochter van Saendene mit Willaemf veren Bairten sone, die si ghecoren hadde tote haren voghet, voer ons Willaemg graveh voirs. quam ende ons op droch mit Willaemsi hant haren voghet voirseyd al hair goed, roerende ende onroerende, toet enen vrien eyghen tote des biscop behoef voirs., ende wijt den biscop van Suden rechtevoirt ghaven in rechter aelmossen toete sijns godshuis behoef van Hairlem, in manieren dat si ende die ghene die si tote diertijd doe noemde hore lijftocht hebben souden an die rentej van den goede, alse die brieve spreken die daer op ghemact sien; ende want broeder k Arnoud, commenduer van sente Jans huse te Hairlem voirs., vercoft hevet Janne van Zaenden al dat l lant dat Hasekijn voirs. legghende hadde int ambocht van Oestzaenden ende twee made lands in Westzaenden in vrien eyghen, ende daer of broeder Arnoud sijn ghelt te vollen of m ontfanghen hevet, so gheloven wi beyde, biscop ende grave voirs., dat wi Janne van Saenden voirnoemd dit voers. land waren sullen als men een vri eyghen erve sculdich es te waerne.
In orkonde etc. Ghegheven in die Haghe des donresdaghes na sente Laurens dach int jaer ons Heren M CCCo twee ende twintich.