Registers van de Hollandse grafelijkheid 1299-1345

Graaf Willem III gelast de rentmeester van Kennemerland en West-Friesland jaarlijks 30 pond Hollands uit te keren aan Simon Moyke, die het huis te Heemskerk voor de graaf beheert.

Wi Willem^a grave van Heynegouwen^b etc. ombieden u Jan den Keyser onsen rentemeester van Kenemaerland^c ende van Vriesland^d, vant^e wi Symon Moyekijn van onzen weghen gheset hebben upt thuys^f van Eemskerc^g, dat Jans van Berghen^h was, te verwaren, daer wi hem of gheven zouden sjaers dortich pond Hollandsⁱ, te betalen alle jare te sente Jacobs misse^j, dat ghi hem di betaelt alse verre als si hem tafter staen, ende voert alle jare betaelt ten termine vorscreven, ter tijt toe dat wiet hem wederzegghen; ende daer of zoe neemt enen brief jaerlix van hem van quitancien, ons mede te rekene. Des en laet niet.

Ghegheven in die Haghe des zonnendaghes up belokene Paeschen int jaer ons Heren M^o CCC zes ende twintich.