Registers van de Hollandse grafelijkheid 1299-1345

Graaf Willem III verklaart dat hij de uitspraak zal bekrachtigen die Jan van Bergen zal doen in diens geschil met diens oom Hendrik van Diepenheim betreffende de goederen van Willem van Haarlem.

Wi Willaem^c grave van Heynnegouwen^d etc. maken cond ende kenlic^e allen den ghenen die desen brief zullen sien of horen lesen^f dat wi alsulc segghen alse Heynric van Diepen ghebleven es ane Janne^g van Berghen, sinen neve, ende dair Jan voirs. Heynrix brieve of heft, alze van Willaems^h goede van Hairlemⁱ ende van den goede dat Jan Heynrike ghelovet hadde, dair Heynric onse brieve of hadde bezegheld med onsen zeghele ende Jans voirs., zoe wat segghen dat Jan segghen sal van desen stucken tusken Heynric sinen oem ende hem selven, houden wi vaste ende ghestade ewelike te blivene in der manieren als hijet segghen zal, sonder arghenlist.

In orkonde desen brieve bezegheld med onsen zegghele^j. Ghegheven tote Berghen in Heynnegouwen^k des woesdaghes^l voir sinte Margrieten dach int jaer ons Heren M^o CCC^o ende achtiene.