Registers van de Hollandse grafelijkheid 1299-1345

Graaf Willem III bevestigt de schenking door Hendrik van Brederode aan diens echtgenote jonkvrouw Isabella van Brederode van een lijftocht bestaande uit de goederen die eertijds door Hendrik in leen werden gehouden van de vrouwe van Voorne en Teilingen en nu van de graaf.

Wi Willaem^a grave etc. maken cond etc. dat wi mit Heynrix hand van Brederoden verliet hebben ende verlien in desen brieve onser liever nichte joncfrou Ysabele der joncfrou van Brederoden, Heynrix wive voirs., alsulke lijftochte also die brief hout die onse nichte die vrouwe van Voirne ende van Teylinghe, dair God die ziele of hebben moete, ende anders vele goder lude bezeghelt hebben, dair dese brief dore ghesteke es, ende die hoir Heynric voirs. ghemact hadde ende si van der vrouwe van Voirne voirs. ontfaen hadde, dair Heynric voirs. tgoed of helt ende dair die manscap an ons of comen es; in wilker lijftocht wi gheloven joncfrouYsabelen^b onser nichten voirs. te houdene alse wi van rechte sculdich sien te doene na sede ende custume van onsen lande.

In oirkonde etc. Ghegheven te Hairlem^c des donresdaghes voir half meye int jaer van XXIX.