Registers van de Hollandse grafelijkheid 1299-1345

Graaf Willem III gelast de rentmeester van Kennemerland en West-Friesland jaarlijks 20 pond Hollands en een paar kleren uit te keren aan de koster van Mijzen.

Wi Willaem^a grave etc. ombieden ju Heynric^b heren Dierix^c sone onsen rentemeester van Kennemairland^d ende van Vriesland^e, jof den ghenen die na wesen sal, dat ghi betailt den coster van Misen omme dienst die hi ons doen sal als wijt jof onse bailiu begheren, alle jare twintich pond Hollands^f ende een pair cleder sjaers, die ene helfte te Paisken ende dander helfte^g dairna te midsomer^h naist comende; dit sal gheduren tonsen weder segghen.

Ghegheven in den Haghe des manendaghes voir Alreheylighen dach int jaer ons Heren M CCC ende dortich.