Registers van de Hollandse grafelijkheid 1299-1345

Graaf Willem III schenkt zijn neef Willem de Cuser, knaap, in vrij eigendom het land te Schoten dat hem was aangekomen van Arnoud de Wilde, met het huis en met alles dat er aardvast en nagelvast op staat, uitgezonderd de op het goed rustende lijftocht van de weduwe van Arnoud.

Vgl. nr. KE 196.

Wi Willaem^a grave^b van Heynegouwen^c, van Holland^d ende here van Vriesland^e maken cond allen luden dat wi Willaem den Cuser, onsen neve ende trouwen knape, om menighen trouwen dienste die hi ons ghedaen heeft ende noch doen zal, ghegheven hebben ende gheven met desen brieve toit enen vrien eyghen dat land met^f husinghe diere op staet ende al dat^g airt vast ende naghel vast op is, ende ons ane quam van Arnoud den Wilden^h, ende gheleghen es tote Scoetenⁱ ende wi heren Willaem den bastaird onsen neve ghegheven hadden toit sinen live, gheleghen binnen desen marken die hier nae ghescreven staen: Jacob van Bakenesse op die suitside ende Clais van Bakenesse op die noirtside, uyt ghaende dat westende ane die vene wateringhe ende dat oistende ane den breden wech; behouden Arnouds Wilden wedue horer lijftochte ane halve die renten van den lande voirs.

In orconde desen brieve beseghelt mit onsen zeghel^j. Ghegheven tote Noyon des manendagh na meye dach int jair ons Heren M^o CCC^o vier ende dortich.