Registers van de Hollandse grafelijkheid 1299-1345

Graaf Willem III vergunt Nicolaas de Zeelander, zoon van meester Simon van Haarlem, dat hij de erfpacht op goed dat Pieter van Rolland van de graaf in leen houdt verlegt naar ander leengoed.

Willem^b ..grave van Heynnegouwen^c, van Holland^d ende here van Vriesland^e maken cond allen luden dat wi omme bede van vrienden Clays den Zelander^f, meester Symons sone van Haerlem^g, gheoerlovet hebben dat hi die ene ende dortich scellingen Hollands^h ende tien hoenre tsjaers die hi sculdich is Pieter van Rolland van vierdalf merghen lands, legghende in Scoeten op die nortzide van der Groter Beke, in enen erfpachte, ende Pieter van Rolland van ons te lene houd, bi onsen rentemeester van Kenemaerlandⁱ die in dien tyden wesen sal verlegghen sal moeghen an alse goeden goede alse dat is also verre alst an ons verscint, behouden elken man sijns rechts.

In orconde desen brieve bezeghelt met onsen zeghele^j. Ghegheven tote Valenchijn^k des donresdaghes voer sinte Baven dach int jaer ons Heren M^o CCC^o vive ende dortich.