Registers van de Hollandse grafelijkheid 1299-1345

Graaf Willem III bevestigt de schenking door Dirk van Hofland aan diens echtgenote Margareta van een lijftocht, bestaande uit de kleinste helft van een grafelijk renteleen van 4 pond Hollands in het ambacht Assendelft.

Willaem ..grave van Heynnegouwen^a, van Holland^b ende here van Vriesland^c maken cond allen luden dat Dieric van Hofland mid onser hand ghemaict hevet Margrieten sinen wiven die hi nu hevet tote hore lijftochte die minre helfte van vier pond Hollands^d die hi van ons hout, ligghende inden ambochte van Assendelf; in wilker lijftochte wi Margrieten voirs. gheloeven te houden als wi sculdich sien te doene na zede ende costume van onsen lande.

In orconde desen brieve bezeghelt mid onsen zeghele^e. Ghegheven in den Haghe des donresdaghes voir sinte Bertelmees dach int jair ons Heren M^o CCC^o ses ende dortich.