Registers van de Hollandse grafelijkheid 1299-1345

Graaf Willem III verhuurt aan Hannekijn Mattenkind de huizen met bijbehorende erven in Den Haag die hem waren aangekomen van Coppijn de Bakker.

De onderstaande tekst is gebaseerd op afschrift B.

Willaem^a grave van Henegouwen^b etc. maken cond allen luden dat wi omme dienst wille die Hannekin^c Mattenkint, die houder es van desen brieve, ghedaen in onser liever ghesellinnen herberghe der gravinnen ende noch doen sal, hem ghegheven hebben ende gheven alle die husinghe ende dat erve daer die huze op staen dat ons anecomen es van Coppijn^d den Backere, also noch min noch meer alst Coppijn die Backere voers. hadde in onsen dorpe ter Haghe, ende omme alsulke erfhure alse ons Coppijn daer of plach jaerlix te ghevene; ende zullen hem husinghe ende erve voers. waren jeghens alle luden.

In orkonde etc. Ghegheven in die Haghe des dinxdaghes na Paesdaghe int jaer ons Heren van XVII^e.