Registers van de Hollandse grafelijkheid 1299-1345

Graaf Willem III, die eerder het Hamburgse bier had verboden waardoor in Rijnland, Kennemerland, (West-)Friesland en elders een groot tekort aan bier was ontstaan, staat toe dat eenieder die dat wil hopbier mag brouwen op voorwaarde dat het gebruikelijke gruitgeld wordt voldaan, en hij bepaalt de boete op ontduiking daarvan op 3 pond.

De onderstaande tekst is gebaseerd op afschrift B.

Wi Willaem^b grave van Henegouwen^c, van Holland^d etc. maken cond allen luden dat wi omme die mesquame ende dat grote ghebrec dat wi verstaen dat onse lude van Rijnland, van Kenemaerlant^e ende van Vriesland ende elwaer in onse lande daer ommetrent ghehad hebben ende noch hebben drankeloys zeder dat wi dat Hamburgher bier^f verbieden deden, so sien wi met onsen ghemenen Rade over een ghedraghen ende gheven oirlof dat so wie dat wille in onse lande voerscreven, eest in poirten jof daer buten, brouwen ende tappen moghe hoppen bier sonder verboernesse, in deser manieren: dat si daer of gheven van elken hoede mouts hoir grued^g gheld also groet^h als sijt gheven souden van anderen biere dat si met grute gruten souden. Ende ghebieden allen onsen baeliuwen van Rijnland, van Kenemaerland ende van Vriesland ende elwaer daer ommetrens dat si desen oirlof konden doen over al in horen baeliuscip, ende dat si niet en doghen dat yemand hem verbiedeⁱ hoppen bier te brouwen; ende waer dat zake dat yemand dit voerseyde bier broude ende sijn gruyt ghelt niet daer of en ghave alset voers. es, dat onse baeliuwen voerscreven den ghenen panden also dicke als hiet dede voir drie pond.

Ende omme dat wi dit vaste ende ghestade houden willen hebben tote onsen wedersegghen toe durende, so hebben wi desen brief open bezeghelt met onsen zeghele. Ghegheven tote Dordrecht op den meyen dach int jaer ons Heren M CCC een ende twintich.