Registers van de Hollandse grafelijkheid 1299-1345

Graaf Willem III bevestigt de schenking door Hendrik van Brederode aan diens echtgenote jonkvrouw Isabella van Fontaines van een lijftocht van 300 pond Hollands jaarlijks, op te brengen uit verschillende nader omschreven inkomsten.

Deze oorkonde is tevens afgeschreven in nr. WI 345, in de vorm van een vidimus d.d. 1329 december 26 door de prior van Egmond en de prior van de Dominicanen te Haarlem. In onderstaande tekst zijn varianten uit dat latere afschrift geannoteerd met het sigle D.

De onderstaande tekst is gebaseerd op afschrift B.

Vgl. voorts nr. WI 343.

Wi Willaem^c grave van Henegouwen^d, van Holland^e etc.^f maken kont allen luden dat voer ons quam Heynric^g van Brederode^h, onse ghetrouwe man, ende makede met onser hand te rechter lijftochte ⁱ eenre edele joncfrouwen joncfrouwe Ysabeel^j van Fontaynis^k, onser liever nichte, sinen wive, drie hondert pond goeder^l Hollands^m syaers, enen goeden conincs Tornoyseⁿ voer VIII d. gherekend jof^o paymend dat also goed es, op alsulc goet als hier na ghescreven staet^p: dats te weten op die woninghe tote^q Brederode, land ende landzaten^r merske, dunen^s ende ghemenelike al dat den hove van Brederode^t toe hoird^u dat men van ons sculdich es te houden, also alst gheleghen es, ende dit voerghenoemde goet heft hi^v hoer ghemaect voer hondert ende vier ende twintich pond Hollands; den tiende van Zuadenborchdamme^w, van Randeburch^x, ende van Voshoel^y buten weghe voer dertich pond Hollands; ende hondert ende zes ende viertich pond Hollands uyt den ambochten van^z Zuytholland^a' jaerlix voers. paymens, die Heynric^b' voers. van ons houdende es van den eersten renten die daer in^c' verscynen jof verscynen moghen. Ende want wi wel kennen ^d' dat Henric^e' voernoemd onser liever nichten, sinen wive voerscreven, alle dese voerscreven goede als si^f' hier voernoemd sien^g' ghemaket^h' hevet te rechter lijftochte ende duarien^i' voer drie hondert pond Hollands syaers met onser hand in sulker manieren dat si dese drie honderd pond Hollands jaerlix voerscreven ute desen goede ^j' voeren nemen sal, ende wat daer boven verscint dat sal comen op den ghenen dient met den^k' rechte toe behoird, ende sise oec onse nichte van ons daer voren^l' wittelike ontfanghen hevet.

Ende wi haer oec gheloeft hebben daer in te houden trouwelike alse here, soe hebben wi desen brief bezeghelt met onsen zeghele uyt hanghende in kennesse der waerheyt. Ende hier over waren edel lude, onse lieve ende ghetrouwen manne onse lieve broder haer^m' Jan van Heneghouwen^n', here van^o' Byaumond^p', haer Gheraerd^q' here van Voirne^r', burchgrave van Zeeland^s', haer Jan here van Arcle^t', die here van Yselsteyne^u', die burchgrave van Leyden. Dit was ghedaen tote Aelbrechts berghe^v' op sinte Dyonisius^w' dach int jaer ons Heren M CCC een ende twintich.