Registers van de Hollandse grafelijkheid 1299-1345

Graaf Willem III geeft Floris Mol in vrij eigendom de 22 morgen land in Schieambacht die deze had gekocht van Simon Dirksz. van der Burg en Jan van der Made, die het goed eerder hadden gekocht.

Vgl. nr. NH 113, alsmede nrs. NH 128, 223, 311 en 312.

De onderstaande tekst is gebaseerd op afschrift B.

Wi Willaem grave van Henegouwen^b, van Holland^c etc. maken kont etc. dat wi alsulken coep alse Symon Dierix sone van der Burch ende Jan van der Maden^d coften alse van twie ende twintich morghen lands, die wi hem luden ghewaerden ende ghaven vri toet horen eyghen, legghende int ambocht van Schie, dat Clarenbouts zaten^e hiet ende ons ane quamen bi rechte ende bi vonnesse onser welgheborendre^f hiemradre van Scieland^g van menigherande ongheld dat van onsen weghen daer voren uyt gheleyt was, ende dat si coften om elf pond Hollands^h, daerⁱ ons Jan van Rosenburch die onse baeliu was^j van Delf land ende van Scieland ende Enghebrecht^k onse rentemeyster ^l van Noirtholland^m ghoede rekeninghe of ghedaen hebben; wilken coep ⁿ van dese twie ende twintich morghen lands voerscreven dese Symon ende Janne voers.^o voird ghegheven hebben ende vercoft Florens Molle in allen manieren^p als sijt coften^q, ende alsoe gheven wi desen Florens dit voerghenoemde land toet sinen eyghen ende ghewarent hem vri tyeghens elken manne.

In orkonde desen brieve etc. Ghegheven in die Haghe des dinxendaghes voer meyen dach int jaer ons Heren M CCC twie ende twintich.