Registers van de Hollandse grafelijkheid 1299-1345

Graaf Willem III schenkt zijn knaap Jan uten Waarde 20 pond Hollands jaarlijks, uit te keren door de rentmeester van Noordholland, welke rente Jans erfgenamen in recht leen zullen houden totdat hij Jan of diens erfgenamen in plaats daarvan met een ander goed begiftigt ofwel Jan of diens nakomelingen in het gebruik of bezit zullen geraken van de hun toekomende goederen van heer Willem van Oegstgeest, vader van Jans echtgenote, die nu in het bezit zijn van de burggraaf van Leiden.

Vgl. nrs. NH 135 en 155.

De onderstaande tekst is gebaseerd op afschrift B.

Wi Willaem grave van Henegouwen^b, van Holland^c etc. maken cond etc. dat wi Janne uten Waerde, onsen trouwen knape, ghegheven hebben met desen brieve XX lb. Hollands^d sjaers, die wi hem bewisen jaerlix in tenemen van onsen rentemeyster van Noirtholland^e die nu es jof namaels wesen sal, die ene helfte te Voerscoter market ende die ander helfte te Valkenborgher^f marct, tote der tijd toe dat ons enich ghoed ane coemt van besterften daer wien an bewisen moghen; ende als wien bewijst hebben, so zullen dese XX lb. Hollands^g voerscreven van onse rentemeysters quite wesen. Ende dese XX lb. voerscreven zullen na Jans doet voers.^h comen op sinen outstenⁱ wittachtighen sone, ende ^j liet hi en ghinen zone op sine outste wittachtighe dochter die hi hevet jof hebben sal bi sheren Willaems dochter van Oestgheest^k sinen wive^l, ende voird in rechten liene van ons te houdene. Ende waer dat zake dat wi Janne voers. helpen mochten^m an den borchgrave van Leyden dat hi Janne voers. ghebruken liet ende ontrumedeⁿ tghoed dat sheren Willaems van Oestgheests was, dat die burchgrave nu besit ende Jans wesen soude^o, jof waer dat zake ^p dat die burchgrave voers. storve^q ende tghoed van Oestgheest an ons ^r jof an onsen nacomelinghen quame^s ende wiet^t gaven Janne voers. jof sinen nacomelinghen, so souden dese voers. XX lb. Hollands^u sjaers ende die lienwaer daer of quite wesen, ende wi souder vrilike onsen wille mede moghen doen. Ende onbieden onsen rentemeyster van Noirdholland^v die nu es jof namaels^w wesen zal dat hi Janne voers. jof sine nacomelinghe jaerlix^x betale dese twintich pond Hollands^y ten daghen voerscreven, ter tijd toe dat wien bewijst hebben an anderen ghoede daer hise selve of nemen mach, jof dat wien gheholpen hebben an sijn goed dat sheren Willaems van Oistgheest^z was alse voerscreven es; ende hier of neemt jaerlix sinen open brief tyeghens ons mede te rekene.

Ghegheven Tordrecht^a' des vridaghes na sinte Bartholomeus dach int jaer ons Heren M CCC twie ende twintich.