Registers van de Hollandse grafelijkheid 1299-1345

Graaf Willem III geeft Alewijn Bettenz. van Leiden toestemming weer in het land te komen, op voorwaarde dat hij diens tegenstanders genoegdoening geeft, en verleent hem een vrijgeleide van twee weken om hem daartoe in staat te stellen; voorts gelast hij Jan van Rozenburg, baljuw van Rijnland, om samen met Engebrecht rentmeester van Noordholland, de burggraaf van Leiden indien die daartoe gebracht kan worden, en de schepenen van Leiden in deze kwestie een verzoening tot stand te brengen.

De onderstaande tekst is gebaseerd op afschrift B.

Wi Willaem grave van Henegouwen^a, van Holland^b etc. maken cond etc. dat wi Alewijn^c Betten sone van Leyden om sire vreende^d bede willen onse land weder ghegheven hebben vrilike in te wanderen^e, alse verre alse hi zinen weder partien voldoed. Ende wand hijs noch niet ghedaen en hevet ende hi seghet dat hi hem ghaerne voldoen zoude^f, zoe hebben wi hem gheleyde ghevet tote viertiennachten toe na^g onser comtsten in Noirtholland^h; ende ombieden ju Janne van Rosenburch onsen baeliu van Rijnlandⁱ dat ghi met Enghelbrechte^j onsen rentemeyster van Noirdholland^k, met den burchgrave van Leyden, conne ghijn daer toe ghecrighen^l, ende met den scepen van Leyden die stucken versoend^m ende also verwaerdⁿ ende in vreden houd^o datter en^p ghien meer^q moynesse ^r of en come; ende des en laet niet.

Ghegheven in Middelburch des donresdaghes na Paeschen int jaer ons Heren M CCC^s drie^t ende twintich.