Registers van de Hollandse grafelijkheid 1299-1345

Graaf Willem III verkoopt zijn knaap Gerard Alewijnsz. van Leiden 2 morgen land bij de Mersch in het ambacht Oegstgeest en 4 morgen broekland tussen de Zijl en Hoogmade in vrij eigendom.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Henegouwen^b etc. maken cond allen luden ^c dat wi bi Enghebrecht, onsen rentemeister^d van Noerdholland^e, vercoft in vryen eyghen hebben Gheraerde Alewijns soen van Leyden, onsen knape, onse twee morghen lands op die Merske die ons ane quamen van Jacob die Muys, dier onse man of was, legghende int ambocht van Oistgheest^f binnen desen marken: die Rijn ant westende^g, Nannen Domaes zoens joncste^h kinderen land op die noerd zide, Ysebrand Henrixⁱ zoens land op dat oistende ende Willaem^j Symons zoens land op die zuyt zide, om achtien pond Hollands^k. Voert hebben wi hem vercoft vier morghen broec lands te vryen eyghen die ons ane quamen van Willaem Ynen zone, dier onse man of was, gheleghen tuschen den Zijl ende Hoghemade binnen desen marken: Wouter^l van Gheylics land up die zuitside ende opt westende, Gheraerds^m Dukers land op die noerdzide ende heren Henrixⁿ capelrien land van Alkemade upt oistende, om zeven pond Hollands^o; dit coemt in summe vijf ende twintich pond Hollands^p, daer ons Gheraerd^q voerseit bi Enghebrechte^r of voldaen heeft. Ende dit voerscreven land beloeven wi Gheraerde voerseit te waren met desen brieve als men een vri eyghen sculdich is te waren.

In orconde desen brieve bezeghelt met onsen zeghel. Ghegheven in Middelburch^s des woensdaghes na Halfvasten^t int jaer ons Heren M^o CCC^o drie ende twintich.