Registers van de Hollandse grafelijkheid 1299-1345

Graaf Willem III laat Arnoud van den Dorp, baljuw van Delfland en Schieland, 7½ morgen land in het ambacht van Arnoud van Hodenpijl verkopen aan Kerstant Madocsz., welk goed hem was toegevallen van Bartelijn Urbansz. en diens zoon Everard vanwege hun doodslag op Willem van Hodenpijl.

Vgl. nr. NH 218.

Wi ..Willaem^a grave van Heynnegouwen^b etc. maken cond etc. dat Arnoud^c van den Dorpe, onse bailiu van Delfland ende van Scieland, bi onsen goeddenken vercoft hevet Kerstans Madocs sone achtendalf morghen eyghens lands die gheleghen sien in Arnouds ambocht van Hodenpijl, ende ons ane quamen van Barteleyne^d Urbaens sone ende van Everaerde zinen sone alse van dien doet slaghe dien zi deden an Willaem^e van Hodenpijl, elke morghen omme ^f vijf pond ende vijf scellinghe Hollands^g, dat coemt neghen ende dertich pond zeven scellinghe ses penninghe^h Hollandsⁱ, daer Kerstans Arnoude^j voirs. of voldaen hevet; ende dese achtendalf morghen lands gheloven wi Kerstans voirs. te waren alse men een recht eyghen sculdich es te waren.

In oirkonde etc. Ghegheven tote Dordrecht^k up sinte Marcus^l dach int jaer ons Heren M^o CCC^o vier ende twintich.