Registers van de Hollandse grafelijkheid 1299-1345

Graaf Willem III schenkt aan Simon Hugenz. van Zaanden 8½ morgen land in het ambacht Wateringen in vrij eigendom, welk goed IJsbrand Ogiersz. hem had opgedragen, die het daarvóór in leen had ontvangen samen met een nader omschreven land van 6 morgen en 4½ hond, welke beide goederen eerder Jan van Rozenburg, knaap, daartoe in eigendom had gegeven aan de graaf.

Wi Willem^a grave etc. maken cont allen luden. Want Jan van Rosenburch, onse knaep, ons ghegheven hevet enen eyghendom van VI morghen ende vijftalf hond lands legghende int ambocht van der Weteringhe^b, daet^c noerd ende an den Hoicwech^d, die oestzide lanx die weteringhe bi Ysebraints^e Oedziers^f sone, dat zuyt ende an die Zuette ende die westzide an Ysebrants^g Oedziers^h soens woninghe die hi hout van heren Oedzier van Cralinghe, ende enen eyghendom van elftalfⁱ hont lands legghende met ons ghemene binnen desen marken: ant noert ende die weteringhe die gheleghen es tuschen die Haghe ende Weteringhe^j ambocht, dat zuyt ende ons selves land, an die oestzide Clays^k Grens ende an die westzide Ghisebrecht Zueym, tote Ysebrant^l Oedziers soens behoif vors., die dit vorscreven land van ons in rechten lene^m ontfaen hevet; soe hevet ons Ysebrantⁿ vors. up ghedraghen ende quite gescouden die leneware ende al dat recht dat Ysebrant^o vors. hevet^p van neghendalf morghen lands die hi van ons te lene houden plach, van den noert ende in^q legghende int ambocht van der Weteringhe binnen desen marken: ant noerdende die weteringhe die gheleghen es tuschen die Haghe ende Weteringhe^r ambocht, ant zuyt ende ons selves ^s land, an die oestzide Clais^t Grens ende an die westzide Ghisebrecht Zueym, van wilken neghendalf morghen vorscreven wi gheven ^u Symon Hughen sone van Zaendem enen vryen eyghendom met desen brieve, ende gheloven hem dien te waren als wi scoudich sijn te done.

In orconde etc. Ghegheven in Harlem^v des vrijdaghes nae sente Baven dach in anno XXIIII^ow.