Registers van de Hollandse grafelijkheid 1299-1345

Jan van der Dussen, ridder, en zijn zoon Jan beloven Filips van Wassenaar, die gehuwd is met Elizabeth, dochter van Jan van der Dussen, 300 pond Hollands ineens en een jaarrente van 50 pond Hollands, waarzij vijf met name genoemde personen zich voor Jan en Jan borg stellen en graaf Willem III zich overborg; de oorkonde wordt meebezegeld door de vijf borgen.

Vgl. nr. NH 273, alwaar tevens een noot over de hierin gebruikte jaarstijl, alsmede nrs. NH 274 en 276.

Allen denghenen die desen brief sullen sien jof horen lesen, wi Jan van der Dussen, ridder, ende Jan, sijn sone, maken cond ende kenlijc dat wi ghelovet hebben ende gheloven Philips van Wassenaer met Lizebetten onser dochter Jans van der Dussen voers. in wittighen huwelike driehondert^b pond Hollandse^c penninghen, den goeden groten conincs Tornois^d te payen voer acht penninghe^e of die waerde daer tieghen, tot sinen wille ende vijftich lb. sjaers payments voers. vrijs tghelts^f, elc sjaers te ghelden tote Paeschen binnen viertien daghen daer na^g ombegrepen. Ende om alle dese voerwarde te voldoen so bidden wi ende versoeken edele liede, onse lieve vriende heren Niclais^h van der Merewedeⁱ, riddere, Janne van Dronghele, Janne uter Spike, Janne Hessels sone ende Janne Brievonc dat si onse borghen werden tieghen Philips voers. ende desen brief met ons bezeghelen willen; ende om die meere^j zekerheid so bidden wi onsen lieven ende gherechten here, onsen lieven here den grave van Henegouwen^k etc., dat hi een overborghe voer ons si ende desen brief met ons ende met onsen borghen bezeghelen wille.

Ende wi Niclais^l van der Merewede^m, ridder, Jan van Dronghele, Jan uter Spike, Jan Hessels soneⁿ ende Jan Brivonc maken cond allen lieden dat wi om bede wille ende versoeke heren Jans van der Dussen ende Jans, sijn soens, sijn hore borghe worden tieghen Philips voers. van alsulker gheloeften als hi^o hem ghelovet^p hebben met Lizebetten voers., heren Jans dochter van der Dussen voers. Ende waer ane heren Janne van der Dussen ^q ende Jan sinen^r sone voers.^s enich ghebrec ende ane ons die sien hore borghen, dat wi hem niet en voldaden alsulke voerwaerde alse hier voerscreven staet^t, so gheloven wi in goeden trouwen ende zekeren bi onser zekerheid elc van ons voerghenoemd binnen Delf te^u comen ligghen^v op onsen eyghene coste tot Philips maninghe voers. of^w tot sijns ghewaerts boden; ende elc ridder mach voer hem senden ende in sine stede twie heersame^x knapen, ende elc knape enen heersamen^y knape; ende van dane niet te sceidene voer^z dat wi Philips voers. ghehelijc ende alle voldaen sullen hebben alsulc gheloeften ende voerwaerden^a' alse^b' voerscreven sien^c'. Ende wi Willem^d' grave van Henegouwen^e' etc. om bede ende versoeke van heren Jan van der Dussen ende Janne sinen sone voers. sien overborghe worden dese voerwarde ende gheloefte te voldoen, waer enich ghebrec ane heme^f' of ane horen borghen. Ende wi Jan van der Dussen ende Jan sijn sone voers. gheloven^g' onsen borghen te houden scadeloes van deser borchtochte.

Ende om dat wi willen dat alle dese voerwaerde vast ende ghestade bliven, hebbe wi Jan van der Dussen ende Jan sijn soen, Niclais van der Merewede^h', ridder, Jan van Dronghele^i', Jan uter Spike, Jan Hessels sone ende Jan Brievonc^j' alse borghen met ghesamender hand elc voer alle desen brief bezeghelt met onsen zeghele. Ende want wi Jan heren Jans sone van der Dussen ghienen zeghele en hebben, so ghelove wi ende orkonden alle dese voers. voerwaerde onder dergheenre^k' zeghele die desen brief bezeghelt hebben. Voirt eest voerwaerde dat die pacht van den vijftich ponden sjaers voers. in sal gaen tote Paeschen nu naistcomende over enen jaer^l'; ende alle ding sonder arghelist. Ghegheven in jaer ons Heren M CCC ende zes ende twintich des vridaghes na Jaers dach.