Registers van de Hollandse grafelijkheid 1299-1345

Jan van der Dussen, ridder, en zijn oudste zoon Jan beloven graaf Willem III, die zich voor hen en hun borgen overborg gesteld heeft voor de financiële afspraken in verband met het huwelijk Jans dochter jonkvrouw Elizabeth met Filips van Wassenaar, dat zij hem indien nodig schadeloos zullen stellen, onder verband van al hun goederen.

Vgl. nr. NH 273, alwaar tevens een noot over de hierin gebruikte jaarstijl, alsmede nrs. NH 274 en 275.

Allen den ghenen die desen brief sullen sien of horen lesen maken wi cond Jan van der Dussen, ridder, ende Jan van der Dussen, ouste^a soen haren Jans van der Dussen voers. Want onse lieve ende gherechte here, haer Willem^b grave van Henegouwen^c, van Holland^d etc., voir ons ende voir onse borghe als van den huwelic goede dat wi Philips van Wassenaer gheloeft hebben te gheven met joncfrouwe Lizebetten, onser dochter Jans van der Dussen ridders voers., in wittighen huwelike, ende overborghe gheworden es om onse^e bede willen alse van drie hondert pont Hollands^f, den goeden groten over achte penninghe gherekent jof payment^g daer jeghens, Philips voers. te gheven toet^h sinen wille ende vijftich pond Hollandsⁱ sjaers vrijs tghels, te betalen alle jare tote Paesken, so ghelove^j wi voer ons ende voer onse nacomelinghe op alle onse goed, ghewonnen ende onghewonnen, onsen lieven here den grave voers. ende sine nacomelinghe van der borchtochte ende van allen voerwarden alse die brief hout scadeloes te quiten toet sijns selves segghen.

In orkonde etc. Ghegheven toet Sinte Gheerden berghe^k des vridaghes na Jaers^l dach int jaer ons Heren M CCC ende zes ende twintich.