Registers van de Hollandse grafelijkheid 1299-1345

Graaf Willem III verkoopt aan Elizabeth, dochter van heer Willem van Alphen, pastoor van Maasland, de jaarrente van 1 pond Hollands die de voortvluchtige Willem Grietenz. van Delft alias Vierkante Wille had op de woning van Jan Zibrechtsz. in Maasland.

Vgl. de nrs. NH 289, 291, 292 en 410-411.

Wi Willem^b grave van Heynnegouwen^c etc. maken cond etc. Want^d Willem^e Grieten sone^f van Delf^g, die ghehieten^h wasⁱ Viercante Wille, jeghens onser heerlichede alsoe misdaen hevet dat hi onse land gherumet hevet ende voirvluchtich es, soe hebben wi bi Arnoude^j van den^k Dorpe, onsen bailiu van Delfland^l ende van Scieland^m, dat pond ghelts sjaers Hollandsⁿ die^o Willem^p voirs. hadde op Jan Zibrechts soens woninghe, die gheleghen es in Maseland^q, vercoft ^r Lizebeth^s heren Willaems^tdochter van Alfen, pape van Mazeland^u, om zes pond ende vijf scellinghe Hollands^v, wilc pond sjaers voirs. wi gheloven Lizebeth^w voirscreven ende hore nacomelinghe te waren ende te vryen van allen commer die Willem^x voirs. of zine nacomelinghe op eysken mochten; ende ombieden allen onsen bailiuwen, rechters ende scepen van onsen lande dat zi Lizebeth^y voirnoemt in desen eyghendom houden, ende des niet en laten.

Ghegheven in die Haghe des eirsten sonnendaghes na Belokene Paesken int jaer ons Heren M^o CCC^oz XXVI^o.