Registers van de Hollandse grafelijkheid 1299-1345

Graaf Willem III verkoopt een nader omschreven perceel van circa 6½ morgen te Mathenesse in het ambacht van Dirk Bokel in vrij eigendom aan zijn kamerling Willem van Duivenvoorde.

Wi Willaem^a grave van^b Heynnegouwen^c, van Holland^d, van Zeelland^e ende here van Vrieseland^f maken cond ende kenlic allen luden^g dat wi vercoft hebben bi Enghebrechts^h hand, onsen rentemeystere van Northollandⁱ, Willaem^j van ^k Duvenvoirde^l onsen trouwen camerlinc toit enen vrien eyghen sevendalf morghen lands luttel min of meer, alsoe als legghen in hoefslaghen in Mattenesse, Dieric Bokels ambocht, ende ons ane besturven van Magrieten^m Jans Viskersⁿ dochter die Hughen Niclays soens wijf was, ende die zevendalf morghen lands luttel min^o of meer legghen binnen desen palen die hier na volghen: die zuyd side Arnt die Barch, ane die nort zide Pieter Dune, dat oist ende streckende ande die inlaghe^p ende dat west ende in die Schie^q; ende van desen vernoemden lande houden wi ons wel ghepayet den lesten penning metten eirsten, ende beloven dit voernoemde land Willaem^r voers. ende sinen erfnamen, of den ghenen die desen brief hevet^s, te waren jeghens elken man als een vry eighen goed.

In orcunde desen brieve bezeghelt met onsen zeghele^t. Ghegheven^u in die Haghe des donresdaghes^v voir^w sinte Jans ^x dach middezomer int jaer ons Heren M^o CCC^o ses ende twintich^y.