Registers van de Hollandse grafelijkheid 1299-1345

Arnoud, proost van Koningsveld, geeft vidimus van een oorkonde d.d. 1310 mei 30 waarin bisschop Gwijde van Utrecht en graaf Willem III uitspraak doen in een geschil tussen Gijsbrecht, kapelaan van de kapel aan de Mariakerk te Utrecht, en heer Willem van Naaldwijk, ridder, over het goed De Poel te Naaldwijk, welke oorkonde was meebezegeld door deken en kapittel van Sint Marie, heer Willem van Naalwijk en, op verzoek van de laatste, heer Nicolaas heer van Putten.

Dit vidimus van Arnoud proost van Koningsveld is ongedateerd. Als datum ante quem geldt het moment van inschrijving in het register A, af te leiden van de aldaar omringende oorkonden; als datum post quem het overlijden op 28 mei 1317 van bisschop Guido, die op het moment van uitvaardiging niet meer in leven was. Deze laatste datering kan niet scherper worden gesteld aan de hand van de proosten van Koningsveld: toen op 30 mei 1310 de gevidimeerde oorkonde van bisschop Guido en graaf Willem III werd uitgevaardigd was ene heer Jan als zodanig in functie (Drossaers, Archieven Delftse statenkloosters, Koningsveld reg. nrs. 56, 58, 59, 66, 69, 73), welke op 1 maart 1315 voor het laatst wordt genoemd (ibid., reg. nr. 79); proost Arnoud wordt vermeld vanaf 14 juli 1321 (ibid., reg. nr. 84, alsmede de nrs. 86 en 87, uit 1322 en 1323)

Vgl. nr. NH 303.

Alle die ghene die dezen brief zullen zien of horen lezen maken wi Aernt, bi der ghenaden Goets proest van Conincs velt, kenlike mit onsen zeghel die hier an ghehanghen is dat wi ghesien hebben letteren edelre lude als ons eersaems vaders heren Guyen, bi der ghenaden Gods wilneer bisscop tUtrecht, daer God die ziele of hebben moet, ende eens edels princhen des graven Willaems^c van Henegouwen^d, van Holland^e, onghemenct in allen manieren in dezen woerden.

Wi Guye, bider ghenaden Gods bisscop van Utrecht, ende wi Willaem^f grave van Henegouwen^g, van Holland^h etc. maken cond ende kenlic allen den ghenen die dezen brief zullen sien of horen lezen dat up ons ghebleven sien hair Ghizebrechtⁱ, onse capelaen van onser capelle tUtrecht die staet an Sinte Marien kerke, van eere zide ende heren Willaem van Naeltwijc^{j k}, ridder, van der ander zide, als van dien^l goede dat die Poel gheheten is ende gheleghen is in die parrochie van Naeldwijc^m, dat onse ouderen gheghevenⁿ hebben ter capellen van Utrecht vri alsoe als die hantvesten spreken die die grave Dieric, daer God die ziele of hebben moet, daer op ghegheven heft, ende die voernoemde her Willaem in^o pachte hadde van onser capelle, daer tuist^p of was tusken heren Ghizebrecht^q onsen capelaen ende heren Willaem voernoemd, dat wi verclaerd hebben in dezer maniere dat die voernoemd her Willaem ende sine nacomelinghen gheven zullen jaerlix heren Ghizebrechte^r ende zinen nacomelinghen twintich pond Hollandse^s penninghe, enen goede conincs Tornoysen^t te rekenen^u voer achte penninghe ofte payment^v daer jeghen vries ghelts, die ene helfte tot^w Voerscoter^x marct ofte binnen eere maent daer na ende die ander helfte tote^y Valkenburgher^z marct ofte binnen eenre maent daer na, onbegrepen in zulken voerwaerden: betaelde heer Willaem^a' voernoemd ofte zine nacomelinghe dien^b' voerscreven heren Ghizebrechte^c' ofte zinen nacomelinghen dien^d' voerghenoemden^e' pacht niet binnen dien voersproken tiden mit panden of mit penninghen, zoe zoude die bode die comen ware als dien pacht te manen up heren Willaems^f' cost legghen ontien^g' male dat die pacht betaelt^h' ware vol ende al.

Ende omme dat wi willen dat onse segghen vaste ende stade^i' blive, zo hebben wi Guy^j', bi der ghenaden Gods bisscop tUtrecht, ende wi Willaem grave van Henegouwen^k' etc. voerghenoemd dese letteren bezeghelt mit onsen zeghelen. Ende wi deken ende tghemene capitel van Sinte Marien tUtrecht ende wi Willaem van Naeldwijc, ridder, lien dat bi onsen consent ende onsen wille deze voerscrevene voerwaerden ghemaket sien. Ende wi deken ende tghemene capittel voernoemd beloven heren Willaem van Naeldwijc voers. ende sinen nacomelinghen, wart dat sijs te doene hadden, die hantveste van grave Dieric te toeghen zo waer si hem orbaerlic waren bi onsen bode ende up haren cost. Ende up dat dit vaste ende ghestade zie, zoe hebben wi deken ende tghemene capittel van Sinte Marien^l' tUtrecht ende Willaem van Naeldwijc, ridder voerghenoemd^m', dezen brief bezeghelt mit onsen zeghelen. Ende ic Willaem van Naelwijc^n', ridder, hebbe ghebeden enen edelen man heren Nyclais^o' here van Putte, minen lieven neve, dezen brief te bezeghelen als een orkonde. Ghegheven in den^p' Haghe int jaer ons Heren M CCC ende tiene des zaterdaghes na ons Heren Hemelvaerd.