Registers van de Hollandse grafelijkheid 1299-1345

Graaf Willem III geeft zijn klerk Willem van Brawode, geheten van Engeland, een steenhuis met 27 morgen land, buitendijks riet en gemene grond in het Nieuweland in het ambacht Vlaardingen in vrij eigendom, welk goed was verbeurd door de erfgenamen van wijlen Wouter van Loosduinen, wiens weduwe bovendien samen met haar kinderen een jaarrente van 10 pond Hollands uit dat goed aan Willem had opgedragen; voorts beveelt hij zijn baljuws en rechters Willem en diens ergenamen in dit bezit te handhaven, tenzij dezen het verbeuren.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. de volgende nrs. NH 317-319, alsmede nrs. NH 457, 557, 558 en 586.

Wi Willaem^a grave van Henegouwen^b etc. maken cond etc. dat wi Willaem^c van Brawode die men^d heet^e van^f Englant^g, onse clerc, omme ghetrouwen dienst die hi ons ghedaen heeft ende noch doen zal op ghedraghen hebben ende ghegheven te vrien eyghen dat steen huys met XXVII morghen lands ende riet buten dike ende die meente int Nieweland^h die dair toe hoirt ende Wouters van Loesdunen was, int ambocht van Vlaerdinghen gheleghen op streckende van den wech ende op loepende an die Vlaerdinghe, ende beleghen hevet Heynricⁱ haren Dierix an die ene zide ende Arnoud Heynen zone an die ander zide, welc huys ende land voirghenoemd^j verboirt was bi Wouter, Oedzier^k ende Jan, kinder ende eerfnamen des voirnoemds Wouters van Loesdunen, ende dit goed toe behoirde hem gheheelike eert yeghens ons verboirt waert^l. Voirt quamen voir ons Imme, Wouters weduwe van Loesdunen, Gheraerd^m ende Willaemⁿ hoir kinder, ende scouden quite ende op droghen te vrien eyghen Willame^o onsen clerc voirseyd tien pond^p Hollands^q die zi jaerlix ute den goede hadden. Ende want wi willen dat Willaem^r onse clerc voirs. ende sine nacomelinghe vriliken dat goed houden ende besitten zonder antale van yemant, dar omme ombieden wi onsen baliuwen ende rechters van onsen lande die nu sien jofte namaels comen zullen ende willen dat ^s si Willaem^t voirs. ende sine nacomelinghe houden, helpen ende sterken in enen vrien besitten^u van desen voirnoemden goede, ende niement recht en doen op dat voirs. goed en sie van scoude of van ^v verbuerte meter hand, of van redelike zaken die Willaem^w voirs. of sinen nacomelinghe die inden vornoemden erve quamen zelve hebben ghedaen of hier namaels doen moghen.

Ende omme dat wi willen dat dit vast ende ghestade blive^x, daer omme hebben wi desen brief bezeghelt met onsen zeghel uythanghende. Ghegheven in jaer ons Heren M CCC ende XVI in onsen Vrouwen dach in marte.