Registers van de Hollandse grafelijkheid 1299-1345

Graaf Willem III bevestigt de schenking van een lijftocht door Jan uten Waarde aan diens echtgenote jonkvrouw Kerstine, bestaande uit 20 morgen land en het ernaast staande huis Ten Waarde, waarbij Jan een regeling treft voor het geval dat Kerstine na zijn overlijden zou hertrouwen.

^b Willaem^c grave van Heynnegouwen^d etc. maken kond etc. dat voir ons quam Jan uten Waerde^e ende makede joncfrouwe Kerstinen^f, zinen wive, tharen lijftochten twintich morghen lands ende thuys ten Waerde^g daer hi nu in woent, wilke twintich marghen lands die zien legghende^h alre naiste derⁱ woninghe ten Waerde^j, in diere manieren dat ware dat sake dat Jan uten Warde^k storve ende joncfrouwe Kerstine^l enen^m man name, so soude althans dat huys ten Waerdeⁿ toe comen Jans kinderen uten Waerde^o jof zinen erfnamen^p ende des huys ghebruken, ende die twintich marghen lands die souden bliven joncfrouwe Kerstinen^q alse voirs. es te haren live, ende niet meer.

Ende om dat wi willen dat zi deser voirseyder lijftochte ghebruke te haren live, so hebben wise hore^r verlyet na rechte ende costume van onsen lande; ende hebben hore in kennessen ende in vastenessen desen brief ghegheven bezeghelt met onsen zeghele. Ghegheven in die Haghe op sinte ^s Marien Magdalenen dach int jaer ons Heren M^o CCC^o XIII^ot.